20a eldono de la internacia konkurso de poezio por junuloj, Poezio tut’libera

Poezio tut’libera (Poésie en liberté) estas internacia konkurso de poezio.
Ĝis nun estis nur franc-lingve, sed en 2018 estos ankaŭ akceptitaj esperant-lingvaj poemoj
– Temo kaj formo liberaj
– Partopreno senkosta
– Partopreno malfermata por ĉiu junulo de 15 ĝis 25 jar-aĝaj, de ĉiu lando
– Partopreno nur tra la retpaĝaro www.poesie-en-liberte.fr

Etapoj de la Konkurso 2018

– de la 1-a de januaro ĝis la 30-a de aprilo 2018 : sendo de la poemoj fare de la partoprenantoj
– en majo : la ĵurio elektas la premiatojn
– fine de junio : oficiala proklamado de la rezultoj en Parizo kaj publikado de ĉiuj rezultoj sur la retpaĝaro
– en oktobro : eldono de cento da poemoj selektitaj de la ĵurio sub formo de ĉiujara Antologio fare de la eldono Bruno Doucey
– fine de novembro : la premiitoj estas invitataj tri tagojn al Parizo por viziti kaj partopreni en antaŭ-publika ceremonio por la transdono de la premioj.

Regularo

Resumo de la originala regularo en la franca

Poezio tut’libera estas internacia konkurso de franc-lingva poezio tra la Reto, publikigita en la « Bulletin officiel de l’Education nationale » (oficiala bulteno de la franca ministerio pri edukado). Estas organizata de la Asocio « Poésie en liberté » (Poezio en libereco – Poezio tut’libera), kun subteno de multaj kun-agantoj, publikaj institucioj, privataj entreprenoj.
En 2018, unuafoje, estos akceptitaj poemoj en esperanto.
Estas malfermata al ĉiuj junuloj, inter 15 kaj 25 jar-aĝaj.
La partopreno konsistas en la sendo de neeldonita poemo, versa aŭ proza, maksimume 30 versojn aŭ liniojn longa. Ĉiu kandidato povas proponi nur unu poemon. Tamen oni povas proponi unu poemon france kaj alian esperante.
Oni devas nepre uzi la specialan formularon de la retpaĝaro – www.poesie-en-liberte.fr.
Ĉiu kandidato, per sia sendo, garantias la aŭtentecon de sia teksto.
Por ke la partopreno estu validigita, la send-formularo de la poemo devas esti ĝuste kaj komplete plenigita.
Por sia partopreno en la konkurso, la kandidato konsentas :
– la eldonon de la teksto sur la retpaĝaro de la konkurso kaj la retpaĝaroj de la kun-agantoj.
– la eldonon en antologio de sia teksto.
– ĝian uzadon, senpage, por pedagogiaj kaj kulturaj celoj.
La tekstoj devas alveni al la organizantoj antaŭ la lim-dato, nur pere de la retpaĝaro.
La listo de la premiitoj estos publikigita sur la retpaĝaro ekde la monato junio. Ĉiu premiito estos persone informata.

Premio-Listo

La premio-listo komprenas :

  • naŭ kategoriojn franc-lingve
    • Ses premio-listoj de Francio
    • Tri premio-listoj internaciaj

Premiitoj de ĉiu kategorio estos invititaj al Parizo 3 tagojn kaj partoprenos la finan ceremonion.

  • unu kategorion esperant-lingve

Du premiitoj estos invititaj al Parizo 3 tagojn kaj partoprenos la finan ceremonion.